留下甜蜜回忆!求婚视频拍片3大注意事项

被另一半求婚，作为女生当然既感动又兴奋;但求婚过程一瞬即逝，想留住甜蜜片段，留作日后回忆，或婚宴嘅时候播放，就要及早準备了!看看以下3大求婚视频拍片小贴士!

记住记住记住 同定朋友Briefing

好多男朋友都会搵朋友帮手拍片，除非你朋友本身都係职业摄影师，否则都係brief多几次较为稳阵，要朋友清楚知道自己嘅岗位、拍摄内容、角度同埋流程，以免错过重要时刻。

小心灯光太暗 主角朦胧失焦

好多时男朋友都会选择喺啲灯光比较暗嘅地方求婚，例如烛光晚餐、沙滩上燃点蜡烛等。係好浪漫嘅，但灯光咁暗其实不利拍片，万一拍得主角朦朦胧胧、唔对focus，就大件事喇。所以现场光线不足嘅话，最好就预备定多位朋友负责打灯，或者同现场人员 (如餐厅职员) 尽量配合，让拍摄时有充足光线。

留意收音效果 录低爱的宣言

公众地方求婚，环境会有杂音;就算喺有情调嘅高级餐厅求婚，亦难保无背景音乐，万一条片录唔到你嘅「爱的宣言」，咁就太可惜。所以男士们记住，最好预先去一次求婚地点实地视察，尤其喺室外求婚，最好準备定额外嘅收音器材，或者预先录定一段爱的宣言，作用VO或片段穿插!